الي بقالي مع الايام..وفيته

من طرف **مياسه** الأحد يناير 02, 2011 7:41 am

اللي بقى لـي مـع الأيـام . . وفّيتـه
والضيق لـو ينهمـر تشربْـه وديانـي

ماهي كبيـرة علـّي والحـزن غنيتـه
وْلاهـي غريبـة إذا وقتـي تحـدانـي

الخوف يا من نبشت القلب وأدميته
لاعشت زهرة شبابك وأنت وحدانـي . .!!

كم جرح خذْته من الأحباب .. ضمّيتـه . .؟؟
وجــروح قلبـي زكــاة لْحُــبّّ خِـلاّنـي

مطعون ! عآآآآدي.. جفا الأقراب ! داويته
تعبان ! مبطي.. ردى هالحظ ! خاوانـي

صدمة ! بسيطة .. هَوان الحال ! مرّيتـه
مقرود ! أدري .. وإذا حرمان عدّانـي

ما فاح هَـم ٍ لـك الله مـا تقهويتـه
ما مـرّ حـزن ٍ بغيـري مـا تبلاّنـي . .!

ياما وياما مـن الخـذلان .. عديتـه
إلا بصاحبْ .. بعد عِشره تناساني . .!!

أزريت لأنسـى غيابـه ليـن ناديتـه
والمـوت لامـن تجاهلنـي وجافـانـي

وينه يجينـي . . وكـل عْتـاب كنّيتـه
يااليت يدري بعد فرقـاه وش جانـي . .!!

من كنت طفل ٍ وأنا أرجـاه فـي بيتـه
شيّبت . . واثره على هالحـال خلانـي . .!

حتى جنـاح العَتَـب لرضـاه ذليتـه
ماطِرْت بعده فـرح مـن ذلّ جنحانـي

يا قلب صبرك . . ترى كل شيّ سويتـه
ما كان أفضل من اللي كـان بإمكانـي

لو بيّ قـوة علـى الهجـران ! خليتـه
لو بـيّ ذره مـن النكـران ! يفدآآآنـي

الجرح أرحم . . إذا يرجع مـن أغليتـه
مجروح! فِدوه . . ولكن صعب وحداني . .!!

من طرف **مياسه** الأحد يناير 02, 2011 7:42 am

هذه الرائعه لشاعر عبدالله العتيبي

من طرف **العراف** الأحد مايو 22, 2011 6:39 am

اختيار بديع

وتقدمه راقيه كأنت

دمتي بذات النور

العراف

الي بقالي مع الايام..وفيته

الي بقالي مع الايام..وفيته

رد: الي بقالي مع الايام..وفيته

رد: الي بقالي مع الايام..وفيته